राजमाता अहिल्यादेवी होळकर जयंतीनिमित्त चौफुला परिसरात विविध कार्यक्रम
देऊळगाव गाडा | प्रतिनिधी,, राम कांबळे,,
Maharashtra today news,,
राजमाता पुण्यश्लोक अहिल्यादेवी होळकर यांच्या जयंतीनिमित्त चौफुला परिसरात विविध सामाजिक, सांस्कृतिक आणि प्रबोधनात्मक कार्यक्रमांचे आयोजन करण्यात आले. जयंती सोहळ्यात नागरिकांनी उत्स्फूर्त सहभाग नोंदवत राजमाता अहिल्यादेवींना अभिवादन केले.
कार्यक्रमाची सुरुवात अहिल्यादेवी होळकर यांच्या प्रतिमेचे पूजन व पुष्पहार अर्पण करून करण्यात आली. यावेळी उपस्थित मान्यवरांनी त्यांच्या कार्याचा गौरव करताना समाजसेवा, न्यायव्यवस्था, धार्मिक कार्य आणि महिलांच्या सक्षमीकरणासाठी त्यांनी दिलेल्या योगदानाचा आढावा घेतला.
या प्रसंगी महिला, युवक, ज्येष्ठ नागरिक तसेच विविध सामाजिक संस्थांचे पदाधिकारी मोठ्या संख्येने उपस्थित होते. कार्यक्रम यशस्वी करण्यासाठी राजमाता पुण्यश्लोक अहिल्यादेवी होळकर युवा मंचच्या सदस्यांनी विशेष मेहनत घेतली.
