Police News मांजरी पोलीस स्टेशनचे निखिल पवार यांना बढती; पोलीस हवालदार पदावर पदोन्नती
पुणे : मांजरी पोलीस स्टेशन येथे कार्यरत असलेले पोलीस कर्मचारी निखिल पवार यांना नुकतीच पोलीस हवालदार पदावर बढती मिळाली आहे. त्यांच्या प्रामाणिक, कर्तव्यदक्ष आणि उत्कृष्ट कामगिरीची दखल घेत ही पदोन्नती देण्यात आली.
सेवेच्या काळात निखिल पवार यांनी अनेक गुन्हेगारांना अटक करणे, गुन्हे उघडकीस आणणे, कायदा व सुव्यवस्था राखणे तसेच नागरिकांना तातडीने मदत करणे अशा विविध जबाबदाऱ्या यशस्वीपणे पार पाडल्या आहेत. अनेक तपासांमध्ये त्यांनी महत्त्वाची भूमिका बजावली असून वरिष्ठ अधिकाऱ्यांचा त्यांच्यावर विश्वास आहे.
मांजरी पोलीस स्टेशनचे पोलीस निरीक्षक बाबा निकम व अधिकारी राठोड यांच्या हस्ते त्यांना बढती जाहीर करण्यात आली. यावेळी सहकारी कर्मचाऱ्यांनी त्यांचे अभिनंदन करून पुढील सेवेसाठी शुभेच्छा दिल्या.
निखिल पवार यांचा स्वभाव मनमिळावू, शांत आणि कर्तव्यनिष्ठ असल्यामुळे पोलीस दलात तसेच नागरिकांमध्ये त्यांची चांगली प्रतिमा आहे. नागरिकांशी नम्रतेने वागणे आणि समस्यांचे तत्परतेने निराकरण करणे ही त्यांची विशेष ओळख आहे.
त्यांच्या या बढतीबद्दल मित्रपरिवार, सहकारी व परिसरातील नागरिकांकडून अभिनंदनाचा वर्षाव होत असून पुढील काळातही ते पोलीस दलात उत्कृष्ट कामगिरी करत जनतेची सेवा करतील, असा विश्वास व्यक्त करण्यात येत आहे.
