Maharashtra today news,,,
Crime newsपुण्यात स्पा सेंटरवर धाड पडताच उडाली धावपळ; गंभीर जखमी महिलेचा उपचारादरम्यान मृत्यू
Pune शहरातील एका स्पा सेंटरवर पोलिसांनी टाकलेल्या धाडीदरम्यान घडलेल्या दुर्दैवी घटनेत एका महिलेचा मृत्यू झाल्याची धक्कादायक घटना समोर आली आहे. ही कारवाई अनैतिक प्रकारांबाबत मिळालेल्या गोपनीय माहितीनंतर करण्यात आल्याची प्राथमिक माहिती आहे.
मिळालेल्या माहितीनुसार, पोलिसांचे पथक अचानक स्पा सेंटरमध्ये दाखल होताच तेथील काही जणांमध्ये गोंधळ उडाला. त्याचवेळी संबंधित महिलेने घाबरून इमारतीच्या गॅलरीतून उडी मारल्याचे सांगितले जात आहे. गंभीर जखमी अवस्थेत तिला तत्काळ रुग्णालयात हलविण्यात आले; मात्र उपचारादरम्यान तिचा मृत्यू झाला.
या घटनेनंतर परिसरात तणावाचे वातावरण निर्माण झाले आहे. पोलिसांनी स्पा सेंटरमधील काही कर्मचाऱ्यांना ताब्यात घेऊन चौकशी सुरू केली असून, नेमकी परिस्थिती काय होती याचा तपास केला जात आहे.
पोलीस अधिकाऱ्यांनी सांगितले की, घटनेचा सखोल तपास केला जात असून, आवश्यक ती कायदेशीर कारवाई केली जाईल.
